Pyès teyat « Se pa sèl kou ki fè mal » pote refleksyon sou sistèm edikatif la

Nan kad pwojè Lekòl Nou, plizyè lekòl nan depatman Sant la, sitou nan Mibalè, te akeyi pyès teyat « Se pa sèl kou ki fè mal », yon pwodiksyon ki denonse move pratik ak abi ki egziste nan sistèm edikatif la.

Se Chelson Ermoza, komedyen ak metè an sèn, ki mete pyès la sou pye. Li reyalize li ansanm ak Twoup Teyat Jak Solèy, ki se yon gwoup jèn aktè angaje nan kesyon edikasyon ak jistis sosyal.

Pyès la mete aksan sou vyolans fizik ak sikolojik ki souvan ap fèt sou elèv, e li envite piblik la—sitou jèn yo ak pèsonèl lekòl yo—reflechi sou fason pou konstwi yon anviwònman lekòl ki plis senpatik, respèktab ak ekitab.

Ou ka gade yon ekstrè pyès la epi tande temwayaj kèk patisipan yo sou eksperyans yo pandan aktivite a : Klike sou lyen sa pou wè videyo a.