Lekòl Nou : Enpòtans akonpayman timoun ki gen difikilte lekòl

Menm jan ak tout moun, kriz yo gen konsekans grav sou lavi timoun yo nan sosyete a. Sa manifeste klèman nan pèfòmans yo nan lekòl. Difikilte yo souvan tradui nan nòt yo ki bese, yo manke motivasyon, oswa yo afiche yon konpòtman twoublan. Pou ede timoun yo simonte moman difisil sa yo, yo bezwen bonjan akonpayman nan antouraj yo, kit se bò kote fanmi yo, nan lekòl yo, ak nan kominote yo.

Nan emisyon sa a, Johnny Jean te resevwa Louinés Félicin, ki se yon travayè sosyal. Ansanm, yo te abòde nesesite pou timoun k ap fè fas ak difikilte nan lekòl yo kapab jwenn akonpayman, pandan yo te eksplike tou wòl fondamantal fanmi ak pwofesè nan bay sipò sa a.

Nou envite ou klike sou lyen sa a pou w koute emisyon espesyal sa a epi dekouvri pi plis sou estrateji ak solisyon ki te pwopoze yo.

Pwojè Lekòl Nou se yon inisyativ ki gen objektif revalorize metye pwofesè a, yon metye k ap pèdi prestij chak jou pi plis nan sosyete nou an, malgre gwo wòl yo jwe nan avni timoun yo ak devlòpman peyi a.