Kategori sa a konsène pwojè san bi likratif ki fèt pou pwoteksyon, pwomosyon ak respè dwa fondamantal ak libète chak moun. Sa gen ladan l pwojè sou: dwa fanm ; ekite ant sèks ; sipò bay moun ki viktim vyolans ; aksè ak lajistis, reyentegrasyon sosyal, devwa memwa, ansanm ak èd pou pibliye liv oswa dokiman sou sijè rechèch ki gen rapò ak tèm sa yo.

Dokiman pou bay:

• Prèv egzistans (pyès idantite pou kontak la, rekonesans legal pou enstitisyon ki rekonèt yo)
• Prèv aktivite ki te fèt anvan sa
• Lis prensipal moun k ap patisipe nan pwojè a avèk yon CV tou kout pou kontak la
• Bidjè previzyonèl ak plan finansman detaye (Si bidjè a prezante sou yon lòt fòm)
• Estati òganizasyon an (si se yon òganizasyon ki fè demann lan)
• Tout lòt endikasyon oswa klarifikasyon (pa egzanp: kont ak bilan finansye òganizasyon an)

Kote pwojè a ap fèt: FOKAL bay pwojè k ap fèt an Ayiti yo priyorite.