BMC a se yon bibliyotèk pwoksimite. Li ouvè a tout moun, jèn kou granmoun. L ap desèvi yon gwo odyans ki soti nan divès komin nan awondisman Pòtoprens, men sitou moun ki abite nan Kafoufèy ak katye vwazen yo.
Pou w gen aksè a bibliyotèk la, prete dokiman ak benefisye de tout lòt sèvis yo, ou oblije enskri.
Kondisyon pou w enskri
- Prezantasyon yon pyès idantite valid pou w enskri pou yon ane
- Yon prèv adrès kote w rete
- Frè enskripsyon yo
- Otorizasyon yon paran pou timoun ki poko gen 10 zan yo
Tarif frè enskripsyon yo
- Timoun (4-11 zan) : 5o goud;
- Jèn (12-18 an): 100 goud;
- Granmoun (plis pase 18 an) 150 goud.
Enskripsyon yo fèt soti madi pou rive vandredi, soti 10 zè nan maten pou rive 4 trè nan aprèmidi
Lòt tarif
- Navigasyon sou entènèt 5 goud/15 minit.
- Enpresyon Nwa e Blan 5 goud/paj.
- Enpresyon Koulè 15 goud/paj.
- Nimerizasyon 5 goud/paj.
Sèvis yo
- Depi 2008, katalòg ak sistèm jesyon an enfòmatize gras ak lojisyèl gratis PMB a. Akòz difikilte pou gen yon sèvis entènèt ki estab, katalòg BMC a poko sou entènèt.
- Manm bibliyotèk la prete liv gratis, li jis bezwen montre kat li. Chak manm gen dwa a 2 liv pou 2 semèn.
- Ou ka konsilte liv, magazin, ansiklopedi ak CDroms sou plas.
- Bibliyotèk la ofri nouvo manm li yo yon fòmasyon sou itilizasyon OPAC, yon zouti ki bay aksè a katalòg enfòmatize a pou chèche dokiman oubyen rezève liv.
- Manm bibliyotèk la ka fè fotokopi dokiman pou yon ti kras lajan.
- Yo ka navige sou entènèt, enprime epi eskanerize dokiman.
BMC a ofri tou yon seri animasyon tankou : ekspozisyon, konferans, pwojeksyon fim, kont, animasyon pou timoun, lekti piblik, atelye teyat ak atizay plastik, jwèt elatriye. Nou ka konsilte ajanda BMC pou mwa a, pou n konn sa k ap fèt.
