Dezyèm prezantasyon pyès teyat "Lekòl nou vle"

Yon bon sistèm edikatif mache men nan men ak bon kondisyon travay pou tout aktè k ap evolye ladan l. Nan ka peyi Dayiti, pwofesè yo pa toujou jwenn tretman yo merite a.

Se nan sans sa a, inisyativ Lekòl Nou nan kolaborasyon ak « Festival Quatre Chemins » te reyalize yon dezyèm reprezantasyon pyès teyat « Lekòl nou vle a » nan dat 14 janvye pase a. Nan pyès teyat sa aktris Stephanie Louis ak aktè Kenny Laguerre envite n reflechi sou kondisyon travay pwofesè nan peyi a e pwopoze yon ansanm demach ki kapab ede nan chanje kondisyon travay pwofesè yo.

Lekòl Nou ap envite w gade kèk imaj sou dewoulman aktivite sa sou paj Facebook li an. W ap gen posibilite pou bay avi w tou sou kisa ki ta dwe fèt pou amelyore kondisyon travay pwofesè yo nan peyi a.